Kim Tae-hyung ឬ វី (V) ជាបុរសមុខខ្យូតប្រចាំក្រុមប៊ីធីអេស (BTS) ។ លើកនេះក្រុមស្លៀកពាក់ នឹងនិយាយអំពី សម្លៀកបំពាក់របស់ វី (V) ថាតើមានប្រេនអ្វីខ្លះ ហើយម៉ូតខុសពីសមាជិកក្រុមយ៉ាងដូចម្តេចខ្លះ? មុននឹងចូលមើលសម្លៀកបំពាក់របស់ វី (V) យើងនាំគ្នាមកទស្សនាបទ Butter ខាងក្រោមជាមុនសិន 😁៖
1. អាវធំខ្មៅ
ក្រវិល
ក្នុងឈុតនេះ វី (V) ពាក់ក្រវិលពណ៌មាសចំនួន 2ម៉ូត សាកសមគ្នាជាមួយនឹងអាវកឌុបដែលមានពន្លឺចាំងផ្លេកៗ៖
- ក្រវិលរំយោលដែលជារបស់ប្រេន Chanel មានឈ្មោះថា Chanel Chic Metal Strass CC Earrings ដែលមានលេខកូដ AB6077 ។ វាត្រូវបានគេដាក់លក់ក្នុងតម្លៃប្រមាណ ៛2956400 ($725) ។
- រីឯក្រវិលដែលមានរាងដូចកង គឺជារបស់ប្រេន AVEC Newyork ដែលមានឈ្មោះថា AVERY KNOT HOOP EARRING ដែលមានតម្លៃប្រមាណ ៛929,700 ($228) ។
ចិញ្ចៀន
ចំពោះចិញ្ចៀនដែលវី (V) ពាក់ក្នុងឈុតនេះមានចំនួន 4 គឺ៖
- ចិញ្ចៀនម៉ូតច្រវ៉ាក់នេះជារបស់ប្រេន AVEC New York ដែលមានឈ្មោះថា ERES 3 TRIPLE PLAIN CHAIN RING ត្រូវបានដាក់លក់ក្នុងតម្លៃប្រមាណ ៛ 929,700 ($228) ។
- ចិញ្ចៀនមានត្បូងនេះ ក៏ជារបស់ប្រេន AVEC New York ដូចគ្នា ដោយវាមានឈ្មោះថា YVES PAVE BAR OPEN RING មានតម្លៃប្រមាណ ៛1,337,500 ($328) ។
- រីឯចិញ្ចៀនពណ៌ខ្មៅនេះវិញ ជារបស់ប្រេន Gucci ហើយវាមានឈ្មោះថា Icon thin band in white gold ត្រូវបានដាក់លក់ក្នុងតម្លៃប្រមាណ ៛1,998,100 ($490) ។
- ចិញ្ចៀនទី 4 គឺមានត្បូងធំរាង4ជ្រុងចំកណ្តាល ហើយអមដោយក្បាច់ច្រវ៉ាក់សងខាង (មិនដឹងប្រភព ប្រសិនមានអ្នកដឹងសូមជួយចែករំលែកផង) ។
ខ្សែក
វី (V) ពាក់ខ្សែកច្រើនជាន់ ដោយក្នុងនោះមានមួយមានបន្តោងពណ៌ក្រហម ដែលជារបស់ប្រេន Gucci ដែលមានឈ្មោះថា Drop necklace with Interlocking G crystal heart ។ រីឯតម្លៃវិញគឺប្រមាណ ៛4,280,100 ($1,050)។
វ៉ែនតាខ្មៅ
វីពាក់វែនតាខ្មៅដែលមើលទៅមានក្បាច់ ដែលជាក់ស្តែងបើមើលពីខាងលើគឺវាជានិមិត្តសញ្ញាអក្សរ C របស់ប្រេន Chanel ដែលមានតម្លៃប្រមាណ ៛2,501,000 ($613.31)។
អាវកឌុប
អាវកឌុបដែលមានសាច់រលោង មានពន្លឺផ្លេកៗនេះត្រូវបានច្នៃ និងកាត់ដោយប្រេន LEMETEQUE ។ ប្រេន LEMETEQUE នេះក៏បានកាត់អាវរលោងរបស់ជីន (Jin) ដែលបានពាក់ក្នុងបទ Butter នេះផងដែរ ។
អាវក្រៅ
អាវធំពណ៌ខ្មៅដែល មានសាច់រលោងនេះ ជារបស់ប្រេន Kimseoryong ដែលជាប្រេនរបស់កូរ៉េខាងត្បូង ។ អាវដែល វី (V) ពាក់នេះជា ម៉ូតប្រចាំរដូវស្លឹកឈើជ្រុះ និងរដូវរងារឆ្នាំ 2020 (2020FW)
2. ឈុតកីឡា
ខ្សែក
ខ្សែកសំបកខ្យងពណ៌ចំរុះនេះ ជារបស់ប្រេន CELINE ។ ខ្សែកនេះមានឈ្មោះថា SAN ONOFRE NECKLACE ដែលត្រូវបានដាក់លក់ក្នុងតម្លៃប្រមាណ ៛3,221,400 ($790)។ ឃើញខ្សែកនេះហើយ នឹកឃើញដល់គ្រឿងអលង្ការ ធ្វើពីសំបកខ្យង ដែលលក់នៅកំពង់សោមតែម្តង 😁។
អាវ
វី (V) ពាក់អាវយឺតពណ៌បៃតង ស្រដៀងអាវរបស់ ស៊ូហ្គា (Suga) ដែលពាក់ក្នុងបទ Butter ត្រង់ឈុតកីឡា ។ រីឯអាវក្រៅពណ៌លឿងវិញ មានឈ្នូតពណ៌បៃតងស៊ីគ្នាជាមួយនឹងអាវយឺតដែលពាក់ខាងក្នុង ។ អាវក្រៅនេះគឺជារបស់ប្រេន Palm Angels ដែលមានឈ្មោះថា YELLOW TRACK JACKET ត្រូវបានដាក់លក់ក្នុងតម្លៃប្រមាណ ៛1,545,500 ($379) ។
ខោ
ខោវិញគឺឈុតជាមួយនឹងអាវក្រៅពណ៌លឿងខាងលើ ដោយវាជារបស់ប្រេន Palm Angels ដូចគ្នា មានឈ្មោះថា YELLOW TRACK PANTS ហើយមានតម្លៃប្រមាណ ៛1,555,900 ($381.57) ។
ស្បែកជើង
ស្បែកជើងដែលមានក្រឡាស្បែកខ្លានេះជារបស់ប្រេន Gucci មានឈ្មោះថា Tennis 1977 Leopard-print Sneakers ត្រូវបានដាក់លក់ក្នុងតម្លៃប្រមាណ ៛2,649,800 ($649.83) ។
3. ឈុតទឹកក្រូច
វ៉ែនតាខ្មៅ
ក្នុងឈុតនេះ វី (V) ពាក់វ៉ែនតាខ្មៅ 2 ម៉ូតដូចខាងក្រោម
- ម៉ូតមួយទៀតវិញមានពណ៌សាកសមជាមួយនឹងសម្លៀកបំពាក់ ដោយវាជារបស់ប្រេន Rieti មានឈ្មោះថា LACTEA RT4025 ហើយត្រូវបានដាក់លក់ក្នុងតម្លៃប្រមាណ ៛484,100 ($118.73) ។
- វ៉ែនតាស៊ុមធំពណ៌ទឹកដោះគោ នេះជារបស់ប្រេន Gucci ដែលមានឈ្មោះថា Oval-frame sunglasses ហើយត្រូវបានដាក់លក់ក្នុងតម្លៃប្រមាណ ៛2,650,500 ($ 650) ។
ក្រវិល
ក្រវិលដែលមានរាងដូចកងនេះគឺក្រវិលដែល វី (V)ពាក់ក្នុងឈុតទីមួយ គឺជារបស់ប្រេន AVEC Newyork ដែលមានឈ្មោះថា AVERY KNOT HOOP EARRING ដែលមានតម្លៃប្រមាណ ៛929,700 ($228) ។
ចិញ្ចៀន
ក្នុងឈុតនេះ វី (V) ពាក់ចិញ្ចៀនដូចក្នុងឈុតទីមួយដែរ ៖
- ចិញ្ចៀនម៉ូតច្រវ៉ាក់នេះជារបស់ប្រេន AVEC New York ដែលមានឈ្មោះថា ERES 3 TRIPLE PLAIN CHAIN RING ត្រូវបានដាក់លក់ក្នុងតម្លៃប្រមាណ ៛ 929,700 ($228) ។
- ចិញ្ចៀនមានត្បូងនេះ ក៏ជារបស់ប្រេន AVEC New York ដូចគ្នា ដោយវាមានឈ្មោះថា YVES PAVE BAR OPEN RING មានតម្លៃប្រមាណ ៛1,337,500 ($328) ។
- រីឯចិញ្ចៀនពណ៌ខ្មៅនេះវិញ ជារបស់ប្រេន Gucci ហើយវាមានឈ្មោះថា Icon thin band in white gold ត្រូវបានដាក់លក់ក្នុងតម្លៃប្រមាណ ៛1,998,100 ($490) ។
អាវនិងខោទឹកក្រូច
ក្នុងឈុតនេះ វី (V) ពាក់សម្លៀកបំពាក់លេចធ្លោជាងគេ គឺពណ៌ទឹកក្រូចតែម្តង ។ ឈុតនេះត្រូវបានច្នៃ និងកាត់ដោយប្រេន LEMETEQUE (រូបពី Instagram)
ស្បែកជើង
ក្នុងឈុតនេះ វី (V) ពាក់ស្បែកជើងរបស់ TOM FORD ដែលមានឈ្មោះថា LEATHER YORK CHAIN LOAFERS ហើយវាមានតម្លៃប្រមាណ ៛3,629,200 ($890) ។
4. ឈុតសខ្មៅ
មួក និង វ៉ែនតា
រូបថត Poster របស់វី (V) ដែលលេចធ្លោជាងគេ គឺរូបដែលពាក់មួកពណ៌សរបស់ប្រេន RUSLAN BAGINSKIY នេះតែម្តង ។ មួកនេះមានឈ្មោះថា DOUBLE CHAIN STRAP STRAW BOATER HAT ត្រូវបានដាក់លក់ក្នុងតម្លៃប្រមាណ ៛1,386,400 ($340)។
រីឯវ៉ែនតាវិញ ដូចក្នុងឈុតទី 1 ដែរគឺជារបស់ប្រេន Chanel ដែលមានតម្លៃប្រមាណ ៛2,501,000 ($613.31)។
ក្រវិល និងខ្សែក
វី (V) ពាក់ក្រវិលកងដែលមានគ្រាប់ឌិន របស់ប្រេន Aphrose ដែលមានឈ្មោះថា persona ball bead earring ដែលមានតម្លៃប្រមាណ ៛329,800 ($80.87) ។
រីឯខ្សែកវិញ វី(V) ពាក់ខ្សែក 2 ខ្សែដូចខាងក្រោម៖
- ខ្សែកទី1 មានបន្តោងរាងមូលជារបស់ប្រេន Roaju ដែលមានឈ្មោះថា volume pendant necklace ត្រូវបានដាក់លក់ក្នុងតម្លៃប្រមាណ ៛145,200 ($35.62) ។
- ខ្សែកទី2 មានបន្តោងកងតូចៗជាច្រើន ហើយវាជារបស់ប្រេន Bottega Veneta ដែលមានឈ្មោះថា ring detail necklace ហើយត្រូវបានលក់ក្នុងតម្លៃប្រមាណ ៛1957323($480) ។
អាវ
វី (V) ពាក់អាវសវាលក្លៀក 2ជាន់ ដោយខាងក្នុងមានសាច់ក្រណាត់ស្បៃនិងមានម៉ូត កតាំង រីឯអាវខាងក្រៅវិញ ជារបស់ប្រេន Saint Laurent ដោយអាវនេះមានឈ្មោះថា Sleeveless striped tunic ត្រូវបានគេដាក់លក់ក្នុងតម្លៃ ប្រមាណ ៛2,443,400 ($599.21) ប៉ុន្តែត្រូវបានលក់អស់ពីស្តុកហើយ ។
ខោ សំពត់ និង ស្បែកជើង
ជាមួយនឹងឈុតពណ៌សពីចង្កេះដល់ក្បាល វី (V) ស្លៀកខោ សំពត់ និងពាក់ស្បែកជើងពណ៌ខ្មៅ ។ ខោខ្មៅជើងវែងនោះ មានរំលេចដោយឡេវកឹបសងខាង ហើយអាចទុកធ្វើម៉ូតឆែកចុងជើងបាន រីឯស្បែកជើងវិញ មើលទៅដូចជាស្បែកជើងរបស់ប្រេន Alexander McQueen ។
5. ឈុតលឿង
ក្នុងឈុតនេះ វី (V) ពាក់អាវធំពណ៌លឿងលេចធ្លោដូច ជេហូប (J-Hope) ក្នុងបទ Butter នេះដែរ ។
យើងចាប់អារម្មណ៍ឃើញថា វី (V) ភាគច្រើនពាក់ក្រវិលមួយចំហៀងតែប៉ុណ្ណោះ ។ ហើយបើប្រៀបធៀបជាមួយសមាជិកក្រុម វី (V) លេងម៉ូតវ៉ែនតាខ្លាំងជាងគេក្នុងបទនេះ ។ តើអ្នកពេញចិត្តវ៉ែនតាមួយណាជាងគេ?