ទីបំផុត លីសា (Lisa) កូនពៅរបស់ ប្លេកភីង (Blackpink) បានចេញបទចម្រៀងដែលគាត់ច្រៀងម្នាក់ឯង (solo) ហើយ ។ បទនេះមានចំណងជើងថា ឡាលីសា (Lalisa) ដែលមានរយៈពេល 3 នាទីជាង ដោយក្នុងរយៈពេលនោះ លីសាបានស្លៀកសម្លៀកបំពាក់ទាំងអស់ចំនួន 14 ឈុត ។ ខាងក្រោមជាវីដេអូរបស់បទ ឡាលីសា (Lalisa) និងសម្លៀកបំពាក់ទាំង 14 ឈុតរបស់គាត់ ៖
1. រ៉ូបខ្មៅ
ក្រវិល
ក្នុងឈុតនេះឃើញថា លីសា មិនមានពាក់គ្រឿងអលង្ការអ្វីច្រើនទេ គឺពាក់តែ កូនក្រវិលតូច 2 ជាមួយនឹង ខ្សែកធំដែលមានក្បាច់ច្រវ៉ាក់តែមួយប៉ុណ្ណោះ ។ ក្នុងចំណោមក្រវិលតូចទាំង2 នោះ មានមួយជារបស់ប្រេន Chrome Hearts មានឈ្មោះថា CROSS CUT OUT STUD EARRING ត្រូវបានដាក់លក់ក្នុងតម្លៃប្រមាណ ៛4,409,600 ($1,080) ប៉ុន្តែពណ៌មាសនេះត្រូវបានលក់អស់ពីស្តុកទៅហើយ នៅសល់តែពណ៌ប្រាក់ទេ ដែលមានតម្លៃទាបជាង គឺប្រមាណ ៛3,512,600 ($858)។
ខ្សែក
ខ្សែកច្រវ៉ាក់ធំមានត្បូងនេះ មើលទៅដូចជារបស់ប្រេន Tikoonz ។ ខ្សែកនេះត្រូវបានពាក់ដោយតារា Kpop ជាច្រើន ហើយវាមានឈ្មោះថា TIKOONZ ICED OUT រីឯតម្លៃវិញប្រមាណ ៛4,168,700 ($1,021) ។
រ៉ូប
រ៉ូបខ្មៅដែល លីសា (Lisa) ពាក់ក្នុងឈុតទីមួយនេះគឺជារបស់ប្រេន Giambattista Valli ។ រ៉ូបនេះត្រូវបានដាក់បង្ហាញ ក្នុង កម្មវិធីបង្ហាញម៉ូតសម្រាប់និទាឃរដូវឆ្នាំ2019 (Spring 2019 couture collection) ហើយឈុតនេះជា ឈុតទី 18 (Look 18)។
2. អាវធំរូបAnime
គ្រឿងអលង្ការ
លីសា មិនមានពាក់គ្រឿងអលង្ការអ្វីឡើយក្នុងឈុតនេះ ។ តែយើងចាប់អារម្មណ៍ឃើញថា លីសា មានពាក់អ្វីនៅនឹងក មិនដឹងថាជាខ្សែក ឬអាវនោះទេ ដោយវាមានត្បូងពណ៌ខៀវ ដែលសាកសមជាមួយនឹងពណ៌សម្លៀកបំពាក់ឈុតនេះ ។
អាវធំ
អាវធំដែលមានរូបតុក្កតា Anime នេះជារបស់ប្រេន NO NAME ដែលមានឈ្មោះថា Saco REDO ។ អាវនេះត្រូវបានដាក់លក់ក្នុងតម្លៃប្រមាណ ៛1,414,000 ($346) ។
សំពត់ខ្លី
សំពត់នេះជាឈុតជាមួយនឹងអាវធំខាងលើ ដោយវាជារបស់ប្រេន NO NAME មានឈ្មោះថា REDO Skirt ត្រូវបានដាក់លក់ក្នុងតម្លៃប្រមាណ ៛630,100 ($154)។
ស្បែកជើង
ស្បែកជើងកវែង កែងក្រាស់ របស់ប្រេន Marc Jacobs នេះសាកសមជាមួយនឹង សម្លៀកបំពាក់នេះតែម្តង ។ ស្បែកជើងនេះត្រូវបានដាក់បង្ហាញក្នុងកម្មវិធីបង្ហាញម៉ូតសម្រាប់រដូវស្លឹកឈើជ្រុះឆ្នាំ 2016 ហើយជាស្បែកជើងក្នុងឈុតទី 21 (FALL 2016 READY-TO-WEAR – Look 21) ។ ស្បែកជើងនេះមានឈ្មោះថា “Kiki” Platform Buckle Boots ហើយវាមានតម្លៃប្រមាណ ៛20,859,000 ($5,100.00 )។
3. ឈុតរ៉ូបខ្មៅឌិនរំយោល
គ្រឿងអលង្ការ
ក្នុងឈុតនេះ ទាំងខ្សែក និងខ្សែដៃរបស់លីសា សាកសម ជាមួយនឹងរ៉ូបតែម្តង ។ លីសា ពាក់ខ្សែកខ្លីបែប Choker ដែលមានខ្សែពណ៌ខ្មៅ និងដាំត្បូងជាជួរ រីឯខ្សែដៃវិញក៏មានម៉ូតប្រហាក់ប្រហែលគ្នាដែរ គឺចាំងផ្លេកៗ blink blink តែម្តង ។
រ៉ូបខ្មៅ
រ៉ូបខ្មៅដែលមានឌិនរំយោលនេះជារបស់ប្រេន Alexandre Vauthier ។ ដើមឡើយរ៉ូបនេះមានដៃវែង តែត្រូវបានច្នៃឲ្យទៅជាវាលក្លៀក សម្រាប់ លីសា ។ រ៉ូបនេះជាឈុតទី 11 (Look 11) ដែលត្រូវបានដាក់បង្ហាញក្នុង កម្មវិធីបង្ហាញម៉ូតសម្រាប់ និទាឃរដូវឆ្នាំ2021 (SPRING 2021 COUTURE) ។
ស្បែកជើង
មិននឹកស្មានថា រ៉ូបដែលក្លាស៊ី (Classy) បែបនេះសាកសមជាមួយនឹង ស្បែកជើងឃ្លុបកវែង ចងខ្សែបែបនេះសោះ ។ ប្រសិនជាខ្ញុំវិញប្រាកដជាពាក់រ៉ូបជាមួយស្បែកជើងកែងជាមិនខានទេ ។
4. ឈុតស្វេគ
មួក
មួកដែល លីសា ពាក់ក្នុងឈុតស្វេគនេះជាទំនិញដែលក្រុមហ៊ុន YG ចេញលក់សម្រាប់បទ ឡាលីសា (Lalisa) នេះ។ មួកនេះមានឈ្មោះថា LISA BEANIE ហើយត្រូវបានដាក់លក់ក្នុងតម្លៃប្រមាណ ៛94,600 ($23.14) ។
សម្លៀកបំពាក់
លីសាស្លៀកឈុតពណ៌ប្រផេះ ដែលមានសាច់យឺត ប្រភេទឈុតអាវមានមួក (Hoodie) ។ អ្វីដែលប្លែកនោះត្រង់ ដៃអាវ ព្រោះម៉ូតដៃអាវបែបនេះពិតជាថ្មីតែម្តង ។
ស្បែកជើង និងស្រោមជើង
លីសាពាក់ស្រោមជើងកវែង ហើយធ្វើស្ទីលជ្រួញបែបសិស្សសាលាជប៉ុន ហើយតាមពិតទៅស្រោមជើងនេះ មិនមានបិទដល់ប្រអប់ជើងនោះទេ គឺដូចស្នាប់ជើងអញ្ចឹង ។ រីឯស្បែកជើងវិញ ជារបស់ប្រេន Adidas ដែលមានឈ្មោះថា GRAND COURT SHOES ដែលត្រូវបានដាក់លក់ក្នុងតម្លៃប្រមាណ ៛265,800 ($65) ។
5. ឈុតជិះម៉ូតូធំ
ខ្សែក
លីសា ពាក់ខ្សែកដែលមានបន្តោងឈើឆ្កាងធំមួយ ដែលជារបស់ប្រេន Chrome Hearts ដែលមានឈ្មោះថា Double Cross Pendant Necklace ។ ត្រូវបានដាក់លក់ក្នុងតម្លៃប្រមាណ ៛6,990,200 ($1,712.80)។
អាវក្រៅ
អាវក្រៅពណ៌ខ្មៅដែល លីសា ពាក់ជិះម៉ូតូនេះ ជារបស់ប្រេន Robert Wun ។ អាវនេះមានម៉ូតដូចតួរអង្គក្នុងហ្គេមអញ្ចឹង ហើយវាជាម៉ូតទី4 នៃម៉ូតរដូវស្លឹកឈើជ្រុះ និង រដូវរងារ ឆ្នាំ 2021 សម្រាប់នារី (A/W 21 WOMENSWEAR) ។
អៀមខោ និងស្បែកជើង
អៀមខោ ដែលមានពណ៌ក្រហម ផ្លេកៗ (blink blink) នេះជារបស់ប្រេន Alexandre Vauthier ។ វាជា ឈុតទី 9 (Look 9) នៃ ឈុតសម្រាប់និទាឃរដូវឆ្នាំ2021 (SPRING 2021 COUTURE) ។ រីឯស្បែកជើងវិញ គឺឈុតជាមួយនឹងអៀមនេះតែម្តង ។
ម៉ូតូ
លើកនេះសូមបង្ហាញលើសពីសម្លៀកបំពាក់បន្តិច ព្រោះ លីសា ជិះម៉ូតូឡូយពេក ។ ម៉ូតូនេះជារបស់ប្រេន
Ducati ដែលមានស៊េរី Ducati Panigale v4 sp ហើយមានតម្លៃប្រមាណ ៛151,330,000 ($37,000)។
6. ឈុតធ្វើការ
ខ្សែក
ជាមួយនឹងឈុតធ្វើការនេះ លីសា ពាក់ខ្សែកដែលមានត្បូងពីរជួរនេះ មើលទៅលេចធ្លោជាខ្លាំង ។ ដោយខ្សែកនេះ ជាប្រភេទម៉ូតសត្វពស់ (High jewelry serpenti) របស់ប្រេន Bulgari ។
ចិញ្ចៀន
លីសាពាក់ចិញ្ចៀនចំនួន 3 វង់ ដោយមួយវង់ ក្នុងចំណោមនោះជាប្រភេទម៉ូតសត្វពស់ (High jewelry serpenti) របស់ប្រេន Bulgari ដូចជាមួយនឹងខ្សែកខាងលើផងដែរ ។
សម្លៀកបំពាក់
លីសាពាក់ខោអាវដូចអ្នកធ្វើការ គឺឈុតអាវធំខ្មៅ ខោជើងប៉ាត់ចង្កេះខ្ពស់ ជាមួយអាវស ក ឌុបរឹបរាងពីក្នុង ។ រីឯស្បែកជើងវិញ គឺស្បែកជើងកែងឃ្លុបប្រភេទ ផាំ (Pump) ។ អ្នកធ្វើការនៅការិយាល័យអាចយកស្ទីលនេះបាន 😁 ។
7. ឈុតរាំរបាំបង្គោល
ក្រវិល
លីសា មិនមានពាក់គ្រឿងអលង្ការអ្វីក្រៅពីក្រវិលទេ ។ ក្រវិលដែលលីសាពាក់ គឺមានម៉ូតរាងកង តូចល្មម ។
សម្លៀកបំពាក់
ក្នុងឈុតនេះ លីសាពាក់ឈុតរបស់ប្រេន Jean Paul Gaultier ។ អ្វីដែលនឹកស្មានមិនដល់នោះគឺ រ៉ូបនេះដើមឡើយគឺ វែងអូសដី តែត្រូវបានច្នៃទៅជាខ្លី យ៉ាងសាកសម្យសម្រាប់របាំបង្គោល (Pole Dance) នេះតែម្តង ។ រ៉ូបនេះជា ឈុតទី 169 (Look 169) ដែលប្រេននេះដាក់បង្ហាញក្នុងកម្មវិធីបង្ហាញម៉ូតប្រចាំនិទាឃរដូវ ឆ្នាំ2020 (SPRING 2020 COUTURE) ។
8. ឈុតក្រហមរាំលើវាលខ្សាច់
ចិញ្ចៀន
ចិញ្ចៀនដែល លីសា ពាក់នេះ ជារបស់ប្រេន Chrome Hearts ដែលវាមានឈ្មោះថា ចិញ្ចៀនឈើឆ្កាងផ្កា (FLORAL CROSS RING) ដែលត្រូវបានដាក់លក់ក្នុងតម្លៃប្រមាណ ៛5,378,300 ($1,315) ។
ខ្សែក្រវ៉ាត់ពាក់ក
បើមិនចាប់អារម្មណ៍មើលទៅដូចជាម៉ូតរបស់អាវដែល លីសា ពាក់ ប៉ុន្តែតាមពិតវាជាខ្សែក្រវ៉ាត់ពាក់ក (Neck harness) ដែលជារបស់ប្រេន Sevali ដែលវាជាម៉ូតទី4 (Collection 4) របស់ប្រេននេះ។
ស្រោមដៃ
ថ្មីទៀតហើយ ! ក្នុងឈុតនេះ លីសាពាក់ស្រោមដៃវែង សឹងតែដល់ស្មា ។ អ្វីដែលគួរឲ្យភ្ញាក់ភ្អើល គឺជាក់ស្តែងវាគឺជា ស្បែកជើងកវែងរបស់ប្រេន Sevali ដែលត្រូវបានច្នៃឲ្យក្លាយទៅជាស្រោមដៃ ។ នឹកស្មានមិនដល់ទេមែនទេ? សូមកោតសរសើរអ្នករៀបចំសម្លៀកបំពាក់ (Stylish) របស់ ប្លេកភីង (Blankpink) តែម្តងព្រោះថា អ្វីក៏អាចច្នៃចេញបានដែរ ។ ស្រោមដៃ (ឬស្បែកជើង) នេះជាឈុតទី 4 (Look 4) នៃសំណុំម៉ូតទី3 របស់ប្រេននេះ ។
អាវយឺត
អាវយឺតដែល លីសា ពាក់ក៏ជារបស់ប្រេន Sevali មានឈ្មោះថា SUBURBIA T-SHIRT ដែលជាអាវរបស់សំណុំម៉ូតទី4 (Collection 4) របស់ប្រេននេះ។ រីឯតម្លៃវិញគឺប្រមាណ ៛1,870,900 ($457.17) ។
សំពត់
និយាយទៅសម្លៀកបំពាក់ក្នុងឈុតនេះគឺសុទ្ធតែជារបស់ប្រេន Sevali តែម្តង ព្រោះសូម្បីតែសំពត់ក៏អញ្ចឹងដែរ ។ សំពត់នេះមានឈ្មោះថា Deconstructed motorbike leather skirt ជា ឈុតទី 4 (Look 4) នៃសំណុំម៉ូតទី 3 from (Collection 3) របស់ប្រេននេះ ។
ស្បែកជើង
ស្បែកជើងកវែងស្បែកនេះជារបស់ប្រេន Demonica Cult ដែលមានឈ្មោះថា EMILY-377 ហើយត្រូវបានដាក់លក់ក្នុងតម្លៃប្រមាណ ៛535,600 ($130.87) ។
9. ឈុតបែប Rock ជិះATV
ខ្សែក
ក្នុងឈុតនេះ លីសា ពាក់ខ្សែកចំនួន 2 ខ្សែ ៖
- ខ្សែកក្បាច់ច្រវ៉ាក់តូច របស់ប្រេន Givenchy ។ ខ្សែកនេះមានឈ្មោះថា G CHAIN LOCK NECKLACE ដែលមានតម្លៃប្រមាណ ៛ 6,890,000 ($1,682.54) ។ កុំច្រឡំជាមួយនឹងខ្សែកក្បាច់ច្រវ៉ាក់ធំជារបស់ប្រេន Celine ដែលលីសាពាក់ជាមួយឈុតដូចគ្នានេះដែរតែសម្រាប់រូបផ្សព្វផ្សាយ (Poster)។ ខ្សែកនោះមានឈ្មោះថា TEEN KNIGHT POEM CHAIN NECKLACE ហើយជាក់ស្តែងវាជាខ្សែករបស់បុរស ។ តម្លៃរបស់ខ្សែកនេះគឺប្រមាណ ៛7,146,600 ($1746) ។ ថាទៅម៉ូតស្រដៀងគ្នាតែខុសទំហំ ។
- ខ្សែកដែលមានបន្តោងឈើឆ្កាងធំជារបស់ប្រេន Chrome Hearts ដែលមានឈ្មោះថា Double Cross Pendant Necklace ។ ត្រូវបានដាក់លក់ក្នុងតម្លៃប្រមាណ ៛6,990,200 ($1,712.80)។
អាវយឺត និងខ្សែក្រវ៉ាត់
ក្រៅពីជិះម៉ូតូធំ លីសា ថែមទាំងជិះ ATV ទៀតផង ។ ក្នុងឈុតនេះលីសា ពាក់អាវយឺតដែលមានឈ្មោះថាThe clash rip it up out of control ។ អាវយឺតនេះជារបស់ប្រេន Screen Stars ចេញនាឆ្នាំ 1984 ដែលយើងអាចហៅបានថា ជាអាវយឺតបុរាណ ឬគេហៅថា វីនថេច (Vintage) ហើយប្រេននេះក៏មិនមានទៀតដែរនាពេលបច្ចុប្បន្ន ។
រីឯខ្សែក្រវ៉ាត់តូចរបស់ លីសា ក្នុងឈុតនេះ ជាប្រេន Celine មានឈ្មោះថា WESTERN 2 BELT, CEINTURON STRAP ។ ខ្សែក្រវ៉ាត់នេះជាក់ស្តែងជាម៉ូតរដូវរងារឆ្នាំ 2021សម្រាប់បុរស (MEN’S WINTER 2021) ហើយត្រូវបានលក់ក្នុងតម្លៃប្រមាណ ៛1,870,300 ($457 ) ។
ខោ
សរុបមក ក្នុងឈុតនេះ លីសា ពាក់ឈុតបុរសសឹងតែទាំងអស់ សូម្បីតែខោនេះ ក៏ជា ម៉ូតរដូវរងារឆ្នាំ 2021សម្រាប់បុរស (MEN’S WINTER 2021 – Look 9) របស់ប្រេន Celine ផងដែរ ។
ស្បែកជើង
ស្ទីលបែប Rock របស់ស្បែកជើងនេះ មើលទៅដូចជារបស់ប្រេន New Rock ។
ATV
ATV ដែល លីសា ជិះនេះជារបស់ប្រេន Polaris ប៉ុន្តែមិនដឹងថាជាសេរ៊ីមួយណាទេ ។
10. ឈុតផ្កាឈូកដុត
ក្រវិល
ក្នុងឈុតនេះលីសា ពាក់កូនក្រវិលតូច 2 ហើយក្នុងចំណោមក្រវិលតូចទាំង2 នោះ មានមួយជារបស់ប្រេន Chrome Hearts មានឈ្មោះថា CROSS CUT OUT STUD EARRING ត្រូវបានដាក់លក់ក្នុងតម្លៃប្រមាណ ៛4,409,600 ($1,080) ប៉ុន្តែពណ៌មាសនេះត្រូវបានលក់អស់ពីស្តុកទៅហើយ នៅសល់តែពណ៌ប្រាក់ទេ ដែលមានតម្លៃទាបជាង គឺប្រមាណ ៛3,512,600 ($858)។
ចិញ្ចៀន
ក្នុងឈុតនេះ លីសាពាក់ចិញ្ចៀន ដែលជារបស់ប្រេន Bulgari (Bvlgari) ចំនួន 4 វង់ ដោយមានឈ្មោះនិងលេខកូដសំគាល់ដូចខាងក្រោម៖
FIOREVER RING REF . 354512 ៖ ចិញ្ចៀននេះមានក្បាច់ផ្កា រីឯតម្លៃវិញគឺប្រមាណ ៛66,707,700 ($16,300) ។
FIOREVER RING REF . 354481៖ ចិញ្ចៀននេះស្រដៀងនឹងចិញ្ចៀនខាងលើដែរ ដោយមានផ្កានៅពីលើ ។ វាមានតម្លៃប្រមាណ ៛38,469,500 ($9,400) ។
B.ZERO1 RING REF . 323558 ៖ ចិញ្ចៀនម៉ូតសាមញ្ញនេះមានតម្លៃប្រមាណ ៛10,308,600 ($2,530) ។
អាវខ្លី
អាវខ្លី (Crop Top) ពណ៌សាច់ដែល លីសា ពាក់ខាងក្នុងនេះជារបស់ប្រេន Jonathan Simkhai ដែលមានឈ្មោះថា
ribbed knitted top ហើយត្រូវបានគេដាក់លក់ក្នុងតម្លៃប្រមាណ ៛904,400 ($221)។
អាវក្រៅ
អ្វីដែលលេចធ្លោជាងគេក្នុងឈុតនេះគឺអាវក្រៅរបស់ប្រេន Isabel Marant នេះតែម្តង ។ អាវនេះជាឈុតទី36 (LOOK 36) ដែលបានដាក់បង្ហាញក្នុង កម្មវិធីបង្ហាញម៉ូតសម្រាប់និទាឃរដូវ និងរដូវក្តៅឆ្នាំ 2021 (Spring – Summber 2021) ។ អាវក្រៅនេះមានឈ្មោះថា Vifeli Jacket ហើយត្រូវបានដាក់លក់ក្នុងតម្លៃប្រមាណ ៛22,631,500 ($5,530)។
ខោខ្លី
ខោខ្លីនេះ មានម៉ូតចងខ្សែសងខាង មើលទៅស្រដៀងខោក្នុងឈុតទី2 ដែល លីសា ស្លៀកក្នុង បទ Ice Cream ដែលជារបស់ប្រេន ALESSANDRA RICH ។ តែជាក់ស្តែងខោទាំងពីរមានប្រេនខុសគ្នា ដោយក្នុងបទនេះ វាជាខោរបស់ប្រេន Pony Stone មានឈ្មោះថា PONY TALES រីឯតម្លៃវិញគឺប្រមាណ៛572,900 ទៅ ៛593,400 ($140.00 – $145.00) ។ និយាយទៅម៉ូតខោ 2 នេះពិតជាដូចគ្នាណាស់ ។
ស្បែកជើង
លីសាពាក់ស្បែកជើងកែងពណ៌ផ្កាឈូកដុត ដែលសាកសមជាមួយនឹងអាវក្រៅ ។ ស្បែកជើងនេះជារបស់ប្រេន Alessandra Rich ដែលមានឈ្មោះថា Pumps In Fuxia Satin In Pink ហើយត្រូវបានដាក់លក់ក្នុងតម្លៃប្រមាណ ៛2,676,500 ($654) ។
11. ឈុតបែបបុរាណ
គ្រឿងលម្អក្បាល
ដង្កៀបមានផ្កាតូចៗដែល លីសា ពាក់លំអលើក្បាលសងខាងមុខនេះជារបស់ប្រេន SARRAN ។ គ្រឿងលម្អដែល លីសាប្រើប្រាស់មាន 2 ប្រភេទគឺ POOD-SORN” NO.001 និង “POOD-SORN” NO.009។
ម្កុដ
ម្កុដនេះជារបស់ប្រេន Prapakas ដែលត្រូវបានច្នៃដោយយកគំរូតាមម្កុដបុរាណ ។ ម្កុដនេះត្រូវបានដាក់លក់ក្នុងតម្លៃប្រមាណ ៛554,500 ($136.09) ។
ក្រវិល
ក្នុងឈុតនេះលីសា ពាក់កូនក្រវិលតូច 2 នេះទៀតហើយដែលមានមួយជារបស់ប្រេន Chrome Hearts មានឈ្មោះថា CROSS CUT OUT STUD EARRING ត្រូវបានដាក់លក់ក្នុងតម្លៃប្រមាណ ៛4,409,600 ($1,080) ប៉ុន្តែពណ៌មាសនេះត្រូវបានលក់អស់ពីស្តុកទៅហើយ នៅសល់តែពណ៌ប្រាក់ទេ ដែលមានតម្លៃទាបជាង គឺប្រមាណ ៛3,512,600 ($858)។
ចិញ្ចៀន
ចិញ្ចៀនដែល លីសា ពាក់ទាំងពីរវង់ជារបស់ប្រេន Bulgari ។
SERPENTI SEDUTTORI RING (REF . 358090) ៖ មានតម្លៃប្រមាណ ៛36,423,200 ($8,900) ។
Serpenti Seduttori 18K Rose Gold, Pavè Diamond & Rubellite Ring៖ មានតម្លៃប្រមាណ ៛28,647,500 ($ 7,000) ។
សម្លៀកបំពាក់
សម្លៀកបំពាក់នេះត្រូវបានច្នៃសម្រាប់ លីសា ដោយក្រុមហ៊ុន ASAVA ហើយគេបានច្នៃដោយ យកគំរូពី សម្លៀកបំពាក់បុរាណ ។
ស្បែកជើង
ក្នុងឈុតនេះ លីសា ពាក់ស្បែកជើងពណ៌មាស ដែលជារបស់ប្រេន Gianvito Rossi ហើយមានឈ្មោះថា BIJOUX រីឯតម្លៃវិញ គឺប្រមាណ ៛3,662,800 ($895) ។
12. ឈុតខ្មៅលាយមាស
ចិញ្ចៀន
ចិញ្ចៀនដែល លីសា ពាក់ទាំងពីរវង់ជារបស់ប្រេន Bulgari ។
SERPENTI SEDUTTORI RING (REF . 358090) ៖ មានតម្លៃប្រមាណ ៛36,423,200 ($8,900) ។
Serpenti Seduttori 18K Rose Gold, Pavè Diamond & Rubellite Ring៖ មានតម្លៃប្រមាណ ៛28,647,500 ($ 7,000) ។
អាវ
ក្នុងឈុតនេះ លីសាសពាក់អាវកាក់ពណ៌ខ្មៅ រំលេចដោយក្បាច់ពណ៌មាស របស់ប្រេន Vivienne Westwood ។ អាវនេះមានឈ្មោះថា Black satin corset with metallic gold pattern ដែលជាឈុតសម្រាប់និទាឃរដូវ និងរដូវក្តៅឆ្នាំ 1992 ។ រីឯតម្លៃដែលត្រូវបានដាក់លក់នាពេលបច្ចុប្បន្នវិញគឺប្រមាណ ៛24,080,600 ($5,884.07) ។
ស្បែកជើង
ក្នុងឈុតនេះ លីសា ពាក់ស្បែកជើងរបស់ប្រេន Dr. Martens ដែលមានឈ្មោះថា JADON MAX X-GIRL CANVAS PLATFORM BOOTS មានតម្លៃប្រមាណ ៛900,300 ($220) ។
13. ឈុតកាក់មាស
អាវ សំពត់ និងគ្រឿងលំអក្បាល
មួយឈុតនេះមើលទៅស្មានតែរ៉ូប តាមការពិតគឺអាវ និងសំពត់ដាច់ពីគ្នាសោះ ។ វាជារបស់ប្រេន Paco Rabanne ហើយជាឈុតទី 25 (Look 25) ក្នុង កម្មវិធីបង្ហាញម៉ូត និទាឃរដូវឆ្នាំ 2021 (Spring RTW 2021 collection) ។
ស្បែកជើង
លីសា ពាក់ស្បែកជើងកែងពណ៌មាស ដូចឈុតខាងលើដែរ គឺវាជារបស់ប្រេន Gianvito Rossi មានឈ្មោះថា BIJOUX ត្រូវបានដាក់លក់ក្នុងតម្លៃប្រមាណ ៛3,662,800 ($895) ។
14. ឈុតស្វេគពណ៌ស
ក្នុងឈុតចុងក្រោយនេះ លីសាស្លៀកសម្លៀកបំពាក់បែបស្វេគ ពណ៌ស ដែលមានរំលេចដោយឌិន ផ្លេកៗ blink blink ។ រីឯស្បែកជើងវិញ គឺកវែងពណ៌ខ្មៅ ហើយមើលទៅដូចជារបស់ប្រេន Dr. Martens ។ អ្វីដែលប្លែកនោះគឺ លីសាពាក់ខ្សែកខ្លី (Choker) គុជខ្យង ព្រោះមិននឹកស្មានថាខ្សែកម៉ូតនេះសាកសមជាមួយស្ទីលស្វេគសោះ ។ សរុបមក ឈុតនេះមើលទៅគឺមានស្ទីលស្វេគបែបនារី Elegant ។
ឈុតដែលលីសាពាក់សុទ្ធតែជារបស់ប្រេនខ្ពស់ ហើយម៉ូតប្លែកៗតែម្តង ។ និយាយទៅពាក់ឈុតស្រីក៏ស្អាត ឈុតរបស់បុរសក៏សមទៀត ។ តើអ្នកពេញចិត្តឈុតមួយណាជាងគេ? ម៉្យាងវិញទៀត ជនរួមជាតិខ្មែរយើងបានបង្ហាញនូវមតិយោបល់ជាច្រើនទៅឈុតបុរាណដែលលីសាពាក់ ។ តើអ្នកគិតយ៉ាងណាដែរចំពោះឈុតនោះ?
Leave a Reply