Selena’s outfit from Ice Cream MV

សម្លៀកបំពាក់របស់ កញ្ញា Selena Gomez ក្នុងបទ Ice Cream ដែលច្រៀងជាមួយ នឹង Blackpink មើលទៅមានពណ៌ឆើតឆាយ ស្អាតបែបស្រស់ស្រាយ ហើយថែមទាំងគួរឲ្យស្រឡាញ់ (Cute) ។

 នៅថ្ងៃទី ២៨ ខែសីហា ឆ្នាំ ២០២០ តារាចម្រៀងដ៏ល្បីកញ្ញា Selena Gomez ជាមួយក្រុមតារាចម្រៀងស្រី Blackpink ប្រចាំប្រទេសកូរ៉េខាងត្បួង ឬ ត្រូវបានគេស្គាល់ ទូទាំងពិភពលោកថាជា Kpop បានចេញបទថ្មីដែល មានចំណងជើងថា ការ៉េមកី – Ice Cream (កុំយល់ច្រឡំ មិនមែនបទរបស់ពូពែកមី ដែលច្រៀងជាមួយកញ្ញារ៉ាប៊ី ទេ គ្រាន់តែមានចំណងជើងដូចគ្នាតែប៉ុណ្ណោះ) ។ មិនត្រឹមតែបទចម្រៀងទេដែលទទួលបានការចាប់អារម្មណ៍ សូម្បីតែសម្លៀកបំពាក់របស់ តារាទាំង៥ដួង ក៏ទទួលបានចំណាប់អារម្មណ៍ខ្លាំងដែរ ។ តោះយើងទៅមើល សម្លៀកបំពាក់របស់ កញ្ញា Selena Gomez ទាំង៤ឈុតតែម្តងទៅ​! ។ 

Related Article: Blackpink Jisoo’s outfit from Ice Cream MV

ឈុតទី១ បែបនាវិក (Navy Style)

ក្រវិលកង

ក្រវិលកងមាសដែល Selena ពាក់ក្នុងឈុតបើកឡានការ៉េមនេះ ជារបស់ប្រេន Jennifer Fisher ។ ក្រវិលនេះត្រូវបានគេ ឲ្យឈ្មោះថា BABY PETITE MAEVE HOOPS ដែលមានតម្លៃ $750 ។

អាវប៊ីគីនីឆ្នូត

ឈុតទីមួយរបស់ Selena មានម៉ូតបែបសម្លៀកបំពាក់នាវិក (Inspire from Navy style) ។ ប៊ីគីនីឆ្នូតទទឹងពណ៌ស លាយក្រហមនេះ លំអដោយឡេវបញ្ឆោត វាជាម៉ូតជំនាន់ដើម ឬហៅថា Retro ។ អាវនេះជារបស់ប្រេន Shoshanna ដែលមានឈ្មោះថា Textured Red Stripe Retro Button Top ហើយតម្លៃដើមរបស់វា គឺ $195  ។

ខោប៊ីគីនីឆ្នូត

Selena ស្លៀកខោប៊ីគីនី ឈុតជាមួយនឹងអាវខាងលើ ដែលក៏ជាស្តាយនាវិកបែប Retro ដូចគ្នា ហើយមានលំអដោយ ឡេវបញ្ឆោតជាជួរសងខាងជើងទាំងពីរ ។ ខោនេះគឺមានប្រេនដូចគ្នាជាមួយនឹងអាវដែរ គឺ Shoshanna ដែលមានឈ្មោះថា Textured Red Stripe High Waist Button Bottom ហើយតម្លៃដើមរបស់វា គឺ $128 ។ អាវ និងខោនេះ ត្រូវបានដាក់លក់ជាឈុត តែអ្នកទិញមានជំរើក្នុងការទិញដាច់ដោយឡែកក៏បាន ។ 

ឈុតទី២ បែបកីឡា

ក្រវិលកង

ម៉ូតសក់របស់ Selena ក្នុងឈុតទី២នេះធ្វើឲ្យក្រវិលដែលគាត់ពាក់នោះលេចធ្លោយ៉ាងខ្លាំង។ ក្រវិលនេះ ត្រូវបានគេហៅថា BABY PETITE MAEVE HOOPS របស់ប្រេន Jennifer Fisher ដែលមានតម្លៃ $750 ។ 

មួក

ឈុតទី២ គឺបែបកីឡា ប៉ុន្តែ Selena ពាក់មួកប្លាស្ទិចពណ៌បៃតងនេះត្រូវបានគេស្គាល់ថាជា មួក Casino Visor ។ ព្រោះនៅចុងសតវត្សទី ១៩ ដល់ពាក់កណ្តាលសតវត្សរ៍ទី ២០ មួកនេះត្រូវបានពាក់ដើម្បីការពារភ្នែកពីពន្លឺ ទប់ស្កាត់ការការនឿយហត់របស់ភ្នែក ។ មួកនេះត្រូវបានពាក់ជាពិសេសដោយអ្នកធ្វើការដែល ប្រើប្រាស់ភ្នែក សំឡឹងខ្លាំង ហើយក្នុងនោះក៏មានអ្នកចែកសន្លឹកបៀរក្នុង កាស៊ីណូផងដែរ ដែលមួកនោះដូចជាឯកសណ្ឋាន របស់គេអញ្ចឹង ។ ក្រោយមកមួកនោះត្រូវបានគេហៅវាថាជា មួក Casino Visor ។  មួកនេះមិនមានប្រភពប្រេន ជាក់លាក់នោះទេ ហើយជាទូទៅតម្លៃរបស់វាមានចាប់ពី $2.99 ទៅ $7.95 ។ 

វ៉ែនតា

វ៉ែនតានេះពិតជាសមជាមួយនឹងបទ Ice Cream នេះមែន ព្រោះមើលមួយភ្លែតគឺមានរាងធម្មតា តែតាមពិតវ៉ែនតានេះ មានរាងដូចជាពេល ការ៉េមរលាយ អញ្ចឹង ។ វ៉ែនតានេះត្រូវបានគេហៅថា Drip Sunglasses ដោយ ប្រភពដើមជាក់លាក់របស់វាមិនជាក់លាក់ទេ តែឃើញថាមានលក់ច្រើននៅលើទីផ្សារអនឡាញ ។ ដោយមានតម្លៃចាប់ពី $9.45, $16.43 រហូតដល់ $49.99 ។

Related Article: Blackpink Jennie’s outfit from Ice Cream MV

អាវជាប់ខោ

អាវជាប់ខោនេះមានម៉ាក Puma ដែលយើងឃើញគេដាក់ប្រេននៅខាងមុខតែម្តង ។ វាមានឈ្មោះថា 

Classics Women’s Unitard ​ដែលមានតម្លៃដើម $50 ។ 

ស្បែកជើង

ស្បែកជើងដែលSelena ពាក់ក្នុងឈុតបែបកីឡានេះគឺមានម៉ាក Puma ដូចអាវជាប់ខោផងដែរ ។ ស្បែកជើង

PUMA x VON DUTCH Future Rider Women’s Sneakers នេះមានតម្លៃ $110 ។ 

ឈុតទី៣ បែបCute Cute

ក្រវិលកង

ក្រវិលកងដែលព័ទ្ធជុំវិញដោយត្បូងនេះ មានឈ្មោះថា Clear Jupiter Crystal Earrings ជារបស់ប្រេន HNV ហើយតម្លៃរបស់វាគឺ $145 ។

អាវពងជីងចក់

អាវពងជីងចក់ពណ៌ទឹកក្រូច មានចងខាងមុខនេះជារបស់ប្រេន For Love & Lemons ។ អាវខ្លីបែប Cute Cute នេះ មានឈ្មោះថា Auburn Dot Crop Top ដែលតម្លៃដើមរបស់វាគឺ $145 ។ 

ខោពងជីងចក់

ក្នុងឈុតនេះគឺសុទ្ធតែពងជីងចក់តែម្តង ។ ទោះជាអាវនិងខោមានពណ៌មិនឈុតនឹងគ្នា ហើយទំហំ ពងជីងចក់មិនប៉ុនគ្នា ទៀត ប៉ុន្តែនៅពេលពាក់ជាមួយគ្នា មើលទៅពិតជាសាកសម និងស្អាតខ្លាំង ។ ខោនេះមានម៉ាក We Wore What ដែលគេហៅខោនោះថា Etoile Shorts  ដែលមានតម្លៃ $160 ។ វាក៏មានឈុតអាវដូចនឹងខោនេះផងដែរ ។ ប្រសិនបើអ្នកវិញ តើអ្នកពេញចិត្តពាក់បែប Selena ឬ ពាក់ជាឈុត? 

ស្បែកជើងខ្លា

ស្បែកជើងពណ៌ស ដែលរំលេចដោយក្រឡាខ្លា នេះគឺមានម៉ាក  Puma ហើយស្បែកជើងនេះត្រូវបានគេដាក់ឈ្មោះ ថា PUMA x CHARLOTTE OLYMPIA Cali Sport Women’s Snes រីឯតម្លៃរបស់វាវិញគឺ $90 ។ 

ឈុតទី4 បែប 1940-50

ក្រវិលកង

Selena ពាក់ក្រវិលកងដែលព័ទ្ធជុំវិញដោយត្បូងដូចឈុតទី៣ ដែលមានឈ្មោះថា Clear Jupiter Crystal Earrings របស់ប្រេន HNV ហើយតម្លៃរបស់វាគឺ $145 ។ 

អាវជាប់ខោ

ក្នុងឈុតនេះ Selena ស្លៀកពាក់បែប ឆ្នាំ1940 និង 1950 គឺស្តាយ Modern Pin-up ។ អាវជាប់ខោខ្លី (Romper) ពណ៌លឿង ដែលមានក្រឡាការ៉ូ ហើយមានម៉ូតស្មាសំយេះនេះ ជារបស់ប្រេន lèRumi ហើយឈុតនេះមានឈ្មោះថា Sienna Romper ដែលមានតម្លៃដើម $168 ។

ស្បែកជើងកែងសគ

ស្បែកជើងកែងសគពណ៌ផ្កាឈូកនេះ ធ្វើឲ្យឈុតរបស់ Selena កាន់តែមានស្តាយ Modern Pin-up  បន្ថែមទៀត ។ ស្បែកជើងនេះ មានម៉ាក Gucci ហើយត្រូវបានគេហៅថា Scarlet leather sandals តម្លៃរបស់វា គឺ $ 590 ។

Selena គឺជា អ្នកតំណាងប្រេនរបស់ Puma (Brand Ambassador)  ហេតុនេះយើងឃើញថាគាត់ បានពាក់សម្លៀកបំពាក់ ពីប្រេននេះច្រើនជាងគេ ក្នុងបទ Ice Cream ។ រីឯស្តាយនៃការស្លៀកពាក់វិញ គឺបែប Retro 1940 – 1950 ប៉ុន្តែមើលទៅពិជាស្អាតនិងទាន់សម័យ ។ តើអ្នកចាប់អារម្មណ៍ស្តាយបែបនេះទេ​?